المخصصات

 

مساكم جميل أصدقائي
مشرو.تن نفر خنمسو.إي
mSrw.tn nfr khnmsw.i

النهاردة حافكركم تاني بالمخصصات في اللغة المصرية القديمة ( الخط الهيروغليفي )
ياعني إيه مخصص :
المخصص علامة بتيجي في أخر الكلمة – مش بننطقها – بس بتدلنا على معنى الكلمة .
ياعني من المخصص ده بنعرف الكاتب يقصد إيه .

علشان زي ما قولنا قبل كدا ان ممكن يكون فيه نطق واحد لكن له أكتر من معنى زي المثال :

عنخ = حياة ( لو مافيش اي مخصص جي بعدها )

عنخ + مخصص رجل جالس رافع إيده قدامه = شخص

عنخ + مخصص رجل جالس يضع يده في فمه = يقسم | يحلف

عنخ + مخصص رجل يقف مربوط إيده ورا ضهره = أسير

تحياتي لجدنا الكبير الكاتب العظيم اللي ابتكر فكرة المخصصات